بسم الله الرحمن الرحیم

د افغانستان په اړه   په لندن کې د  جوړیدونکی  کنفرانس  په خاطر :

دافغانستان  د اسلامي حزب  دسیاسي دفتر اعلامیه

د دلوې  اوم ، ۱۳۸۸

د افغانستان اسلامي حزب ،  په  ګران  هیواد  افغانستان  ،د ۲۰۰۱ ز  کال   د امریکایي ځواکونو  او دهغې  د ناټو د ټلوالې  عسکري  یرغل  یو غیر انساني ، او د ټولو  بین المللې نورمونو پر خلاف  عمل  ګڼي  او ددې ټلوالې  په لاسو د هیواد اشغال او دهیواد سیاسي  استقلال  او  زمکني  تمامیت    له منځه وړل    په کلکه غندی . ددغه اشغال  په پایلو کې تر اوسه پورې  زمونږ د مومن او مجاهد ولس   په  سلګونه زره    معصوم کوچنیان ، ښځې  ، نارینه ،  زاړه او ځوانان  په  مختلفو  بهانو په  ډیره  بیرحمانه  توګه  بمباري  شوی ،  او په سلګونو زره   بې کوره   شوې  او زیات  شمیر نور یي  معیوب  کړل  شوی دي .